جرح الوطن

القلب اتهبش من رؤية الصورة
و جرح اتنقش فعبارة مكسورة
من رؤية طفل بيبتسم
في وجه براءة تترسم
مقتول فوطنه و عينه مسرورة

ليه تموت مقتول بصغر سنك
مطروح فأرض الوطن وحداني
من سزاجة شعوبنا ما فهمنا رسمك
يا ترى مجني عليك و لا انتا جاني

الجسم يا ولدي مرجوف
مش عارف دي فزعة و لا خوف
اتلخبطت جوايا احاسيسي
و اتلخبطت في عباراتي الحروف

والدمعة نازلة من عيني قاسية
وعشيرتك و كل ناسك ناسية
وانتا بضحك عينيك
قطعت احشائي
وصحيت هموم في القلب راسية

اعذرني ياولدي على موتك
انا و كل العرب
فصرختك ما سمعنا صوتك
و نسمعك يا ولدي ازاي
و عالي صوت الناي
لا سمعنا اللي قبلك و اليوم اهو جه دورك

احكموا يا ناس حلال ولا حرام
اطفال فالحرب تموت
و رجال العرب بتنام
و تحلم بالربيع
و فبلادنا بتبيع
ودروعنا اطفلنا تحوش عنا السهام

ابتسامتك البريئة سبب معاناتي
و عينيك الرقيقة فجرت مآساتي
حتى في موتك جميل
حاولت تزيل الليل
انتا جرح الوطن وسبب جراحاتي

علمنا ياولدي الجهاد علم
علم شعوبنا ازاي تدافع
عن الوطن مش بس تتكلم
و علمني ازاي اكون شهيد
فعز الموت اتبسم

كلمــ علــ هاشم ــي ــات

[color:a76b=blue[center]

]قصيدة تبوح بمعانات اطفال العرب
بورك في قلمك علي هاشمي

[/center]

اللهم ارحم أخواتنا في بقاع العالم برحمتك واغفر لهم واصفح عنهم ولوالدينا واجمعنا مع الصالحين الاتقياء الابرار في جناتك جنات الفردوس الأعلى ياارحم الراحمين.
ربنا اغفرلنا ولإخواننا الذين سبقونا بالإيمان ولاتجعل في قلوبنا غلا للذين ءامنوا ربنا إنك رءوف رحيم
يا إخواني ويا أخواتي ادعو لهم بالمغفرة والرحمة لاطفال الشعوب المستضعفة خاصة فلسطين وبوريما وسوريا وغزةوللمسلمين أجمعين عامة .

قصيدة تحكي معاناة اطفال العرب الله يحفظهم